Statuty Uniwersytetu Krakowskiego z 1724 r. (tzw. Waleszyńskiego)

Edycja: Statuta Uniwersytetu Krakowskiego, red. J. Szujski, „Archiwum do Dziejów Literatury i Oświaty w Polsce”, t. 2, Kraków 1882, s. 393–394.

DE EVOCATIONIBUS.

Insistendo Bullis Joannis XXIII, Pauli V. Leonis X et Urbani VIII, Privilegiis Vladislai Jagellonis et Casimiri Magni, Sigismundi Augusti Regis, tum decretis de iurisdictione ordinaria Rectoris, 1mo Illustrissimi et Reverendissimi Karnkowski, Archiepiscopi Gnesnensis Anno Dni 1599 die XXV Augusti; 2do Illustrissimi et Reverendissimi Martini Szyszkowski, Rectoratu admodum Rev. olim Janidłovii, de Anno 1618. 3tio Illustrissimi et Reverendissimi Zadzik, Anno Dni 1639. 4to Illustrissimi et Reverendissimi Petri Gembicki, Episcopi Cracov. inter admodum Rndum Stanislaum Pudłowski J. U. Doctorem, Anno Dni 1644. 5to Perillustris Rev. Dni Septimi Palutii, J. U. Doctoris, Protonotarii Apostolici Curiae, Illustrissimi et Reverendissimi Dni Francisci Pignatelli, Dei et Apostolicae Sedis gratia Archiepiscopi Tarentini, ejusdem Sacrae Sedis Apostolicae ad Serenissimum Augustum Secundum Poloniae Regem potentissimum, totumque Regnum Poloniae et M. D. Lithuaniae cum facultatibus Legati de Latere Nuntii Generalis, causarum Auditoris, per Illustrem Clarissimum et admodum Rndum. M. Martinum Słowikowski, J. U. Doctorem et Professorem, contra Universitatem, ratione electionis clarissimi et admodum Rndi Gregorii Caroli Kawalczewski in Seniorem contubernii Juridici, inhibitionem cum citatione revocantis in damnis et litis expensis condemnantis Anno Dni 1709 Die Veneris XII Mensis Novembris, latis et publicatis. Conclusionem de Anno 1658 Die XII Junii latam, Rectoratu Magnifici Dni Francisci Roliński, Philosophiae et Medicinae Doctoris et Professoris: reasumimus, quae est tenoris ejusmodi. Universitatis unanimi omnium Doctorum et Professorum consensu, rigorem antiquarum legum et conclusionum reassumendum esse censuit et uno omnium ore conclusit, ne aliquis in posterum talis reperiatur, qui in causis mere academicis iisque civilibus, ad Illustrissimum Lociordinarium appellare, aut eo nomine protestari audeat: cum per hoc ipsum pernicies iurisdictionis Academiae et ruina Universitatis immineat, privilegia autem et Statuta, tam Serenissimorum Fundatorum, quam Universitatis totius hoc exoptant, ut omnium causarum cognitio prima fiat apud Rectorem, altera apud Consiliarios, et demum tertia ac ultima, apud Universitatem, quae suum vigorem habere debet, sine ulteriori provocatione. Si vero talem contigerit habere beneficium ecclesiasticum, vel aliud saeculare, vel tanquam vacans alteri conferatur per eum, cui de iure competierit, in spatio septem dierum alias conferet Universitas. Secus intelligi debet de beneficialibus causis, in quibus [s. 394] a sententia Rectoris libera erit ad Illustrissimum appellatio, qui ex pluralitate sententiarum per Decanos facultatum latarum, juxta ordinationem Alberti commissarii apostolici, et decreta subsequentia gravatae parti gratificari poterit.
[hasła: autonomia uniwersytetu, apelacja, dziekan wydziału]