Statuty Uniwersytetu Krakowskiego z 1724 r. (tzw. Waleszyńskiego)

Edycja: Statuta Uniwersytetu Krakowskiego, red. J. Szujski, „Archiwum do Dziejów Literatury i Oświaty w Polsce”, t. 2, Kraków 1882, s. 370-371.

STATUTUM III.
Post praemissum a Praesidente actus sermonem brevem in eligendo Rectore modus antiquus servetur. Nimirum primi electores novem sic eligantur. Ex Doctoribus facultatum Theologicae, Juridicae, Medicae, duo a Seniore, facultatis cujuslibet proponantur, et ex duobus unus eligatur per Doctores facultatis. Ex Philosophiae Doctoribus quatuor proponantur a Decano Facultatis Artisticae, et unus ex ijsdem eligatur. Ex Professoribus Theologiae, Iuris et Baccalaureis Philosophiae, de duobus cujusque, a seniore Professore vel Baccalaureo propositis, unus eligatur. Iam vero ex nobilissima iuventute quatuor proponantur a primario iuventutis, et duo ex illis eligantur, ita, ut novem sint primi Electores, qui sic nominati, et post nominationem per bedellum a Praesidente actus per verbum placet approbati, data stipulata manu Praesidenti vim juramenti habente, quod [s. 371] bonum Universitatis promovebunt ad stubam Majoris Collegii descendent, eligentque septem viros. Qui septem viri per primum electorem redeuntem cum aliis nominati et per verbum: placet, a Praesidente approbati, habebunt potestatem eligendi quinque viros. Hi quinque viri eligent aut reeligent Magnificum Rectorum pro instanti commutatione. Quae electio cum regimine ad unam commutationem, vel ad maximum ad tres durabit, cum praemissa semper reelectione, et non amplius, nisi interpolato spatio.
[hasła: wybory, rektor uniwersytetu, elektor, semestr]