Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.

Rękopis Biblioteki Kórnickiej, sygn. 802, k. 36r
Odczyt: Marcin Baster

Sub rectoratu reverendi sacrae theologiae doctoris Martini Glicii Pilznensis ecclesiarum cathedralium Cracoviensis, Wratislaviensis canonici, in consessu et assensu excellentium iurisprudentiae doctorum Sigismundi a Stezicza canonici Cracoviensis, Jacobi Cromfeltii Luborzycensis plebani, Iacobi Gorsci ecclesiarum sanctae Mariae Magdalenae Cracoviae praebendarii, metropolitaneae Gnesnensis archidiaconi et cathedralis Plocensis canonici, Jacobi Mollitoris ordinarii lectoris, Petri Scothnicii et Stanislai Radossicii licentiati novorum iurium professorum, acta et conclusa quae sequentur. Anno Domini 1579. die VII. Decembris in vigilia conceptionis gloriosissimae Virginis Mariae.

Magnificus dominus rector universitatis ex relatione frequenti plerorumque fide dignorum consideratis et cognitis multis defectibus Bursae vulgo Iuristarum dictae, mandavit praeposito Collegii D. Iurisperitorum, ut convocationem faceret dominorum doctorum et collegarum etc. iurisprudentiae, tanquam eiusdem bursae una cum domino rectore privilegiatorum provisorum ad audienda ea quae per rectorem universitatis proponerentur.

In qua quidem convocatione personaliter comparentes senior et studiosi tunc Bursam D. Iurisperitorum inhabitantes gravi in quaerela ad dominum rectorem et doctores tam dicto quam scripto proposuerunt sua incommoda, quibus illam bursam inhabitantes assidue premuntur.