Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.
Rękopis Biblioteki Kórnickiej, sygn. 802, k. 32r-v
Odczyt: Marcin Baster
Statutum de taxa maiorum camerarum et de solucione earundem sequitura
Anno Christi 1523 die Martis vigessima septima mensis Ianuari veniens in domum Burse Iuristarum ad stubam communem in presentia tocius communitatis venerablis ac egregius vir dominus Martinus de Ilkusch sacre theologie professor, canonicus sancti Floriani in Cleparz ac rector Universitatis Cracoviensis una cum [k. 32v] venerabili ac egregio domino Nicolao de Cracovia sacre theologie professore, custode sancti Floriani ac procuratore eiusdem universitatis de consensu et unanimi voto totius universitatis decreverunt et de cetero firme tenere statuerunt atque publice ad statuta domus auscultari mandaverunt uti videlicet singulis commutacionibus alias per medium annum de quinque pocioribus cameris videlicet de duabus inferioribus in palacio et similiter duabus super palacio cum caminis et una super stuba similiter cum camino per mediam marcam de eisdem cameris inhabitantes camerales procuratori universitatis per manus senioris pro tunc existentis persolveret et realiter extraderent sub pena exclusionis de domo huic statuto contravenientes presentibus ibidem venerabilibus et discretis doctore Stanislao Bargyel seniore, Alexio de Cracovia notario publico, Andrea et Johanne servis universitatis testibus ad premissa vocatis et rogatis.
Tandem vero anno, mense, die quibus supra idem venerabilis vir dominus rector quantum ad inhabitantes domum mandavit ut duo et duo in una camera maneret urgentes [...] et dum studentes haberi in copia possent exceptis duabus parvis cameris supra stubam et una camera ubi duo habitant uno servitore sint contenti prout eciam in Bursa Jerusalem vel alias ad instar Burse Jerusalem fieri decrevit sub eisdem penis alias pena exlusonis similiter huic statuto contravenientibus preesentibus ibidem testibus quibus supra.
Declaracio istius statuti per rectorem et eos, qui universitatem ipsam representabant in hunc, qui sequitur est facta.
a Przy nagłówku: Cameralium constitutio. b Słowo poprawi ane i dla pewności dopisane jeszcze raz martis przy nagłówku ze znakiem wstawienia. [hasła: zgromadzenie uniwersytetu, rektor uniwersytetu, prokurator uniwersytetu, statuty bursy, komorne (opłata), służący, kara wykluczenia]