Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.

Rękopis Biblioteki Kórnickiej, sygn. 802, k. 29r-v
Odczyt: Marcin Baster

Secunda conclusio^a

Anno Domini 1499. die Saturni xiiii mensis Decembris in rectoratu venerabilis viri ac egregii magistri Valentini de Ilkusch sacrorum canonum doctoris, canonici et cancellarii alme Universitatis studii Cracoviensis facta convocacione doctorum et magistrorum [k. 29v] omnium facultatum dumtaxat <salariatorum>b sub hac forma. Venerabilis dominus doctor et magister reverende, sitis hodie hora vigesima prima in stuba communi Collegii dominorum Canonistarum ad audiendum quedam ardua, per rectorem proponi super litibus motis universitati <per>^b honorabilem dominum Nicolaum, executorem testamenti reverendi olim patris domini Jacobi de Schadek, et deinde querelam illius super iniuriis ut pretendit sibi per universitatem factis, et specialiter contra dominum doctorem Petrum de Ilkusch seniorem Burse Longini Canonistarum, ac super hiis tractandis, consulendis et finaliter concludendis, sub pena obedientie et prestiti iuramenti. Detur omnibus doctoribus, magistris duntaxat saliariatis ex parte rectoris. Qua quidem convocacione lecta et inducta querelaque et responsis hinc inde auditis unanimiter per omnes doctores et magistros conclusum est, ut doctor Petrus, prefate burse senior et sui successores, pro tunc in eadem bursa, existentes, exnunc et per amplius continuent lectiones in collegio, similiter actus qualibet septimana, bis in bursa predicta. Eciam ad altare ejusdem burse incorporatum in ecclesia cathedrali Cracoviensi, lectorem tenebit habebitque continuum, aut per se inserviet, missasque leget, prout hec omnia latius in privilegio errectionis eiusdem burse et predicti altaris continentur, sub pena excommunicacionis. Alias si temerarie ipse senior dictus ac sui successores predictis contravenerint, pene privacionis et destitucionis burse et altaris predictorum subiacebunt.

^a Na lewym marginesie: Lectiones se[ ni] or continuet et actus in bursa bis; altare et missa in arce; NB; Excommunicatio.
^b Dopisane na lewym marginesie z zaznaczonym miejscem wstawienia.

[hasła: zgromadzenie uniwersytetu, egzekucja testamentu, senior bursy, wykład, kara ekskomuniki, pozbawienie beneficjum]