Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.
Rękopis Biblioteki Kórnickiej, sygn. 802, k. 28v
Odczyt: Marcin Baster
Magister Mathias de Cobilino professor sacre theologie lectorque ordinarius eiusdem ac rector alme Universitatis studii Cracouiensis
Notificat omnibus magistris, baccalaureis, studentibus et quibusvis suppositis universitatis in bursis, collegiis extraque eadem intra vel extra menia urbis Cracouiensis commorantibus. Quia dum insolencie varie ab infreni dissolucione suppositorum universitatis plurificarentur in dies unde et homicidia manifesta subsecuta essent. Quomodo ex unanimi voluntate et decreto omnium doctorum et magistrorum universitatem representantium in plena convocacione universitatis congregatorum ordinatum est et decretum ut nowo rigidiorique statuto novis et in auditis tot malis solicite occurreretur cohibereturque licentia vagandi passim que seminarium et fomes est omnis mali. Huius igitur statuti tenor sequitur in hac verba:
Quoniama facile datur occasio delinquendi, si non tempestive principiis rigidius obsistatur, nos igitur magister Mathias de Cobilino sacre theologie professor ac rector cum universo doctorum et magistrorum cetu universitatem representantium innitendo statutis universitatis, quia novis morbis nova antidota sunt adhihenda cupientesque, ut supposita universitatis nostre cuiuscunque status aut condicionis existant sub disciplina viverent et ordine et frenis adhibitis ab omni occasione discursuum retracti studiis regularius diligentiusque intenderent, statuimus et perpetuo decernimus manu tenendum et observandum, ut nulllus ex suppositis universitatis de die sive de nocte in veste mitrisque laycalibus intra collegia vel extra audeat incedere et arma cuiuscunque generis secum ferre. Qui si duobus testibus coram rectore convictus fuerit contra nostrum tale statutum agere, pena carceris sine ulla venia puniatur. Seniores vero et rectores bursarum, si taliter delinquentes deprehenderint, huius statuti ordinacionem eos omnino a consorcio studentium excludant et de bursis eiiciant non obstante quacunque statutorum bursarum ordinacione. Exireque nolentes [ rec] tori denuncient, et ille tenebitur in penam carceris cum eis [ pro] cedere, alias si exequi tale statutum in eis scienter neglexerint [ neque] rectori rebelles denunciaverint, pene sexagene subiace[ bunt]. Quod quidem statutum volumus statutis universitatis adnu[ merari e] t specialiter inter omnia statuta bursarum includi et inscribi [.....] repetitutum neminem per ignoranciam excusaret. Datum [.....] sub sigillo.
a Na lewym marginesie: vestes indecentes; arma. Na prawym marginesie: Cum armis incedentes excludantur <ex contubernio>. Braki fragmentów t ekstu w tym paragrafie spowodowane są zniszczeniem dołu karty.
[hasła: ubiór, broń, kara więzienia, senior bursy, rektor uniwersytetu, statuty uniwersytetu]