Statuty Bursy Prawników (Długosza) Uniwersytetu Krakowskiego z 1485 r. z dodatkami z lat 1492–1579.

Rękopis Biblioteki Kórnickiej, sygn. 802, k. 27v
Odczyt: Marcin Baster

De honestate servitorum^a

Statuimus, ut unusquisque, non nomine studentis in domo morans omnimodam humilitatem, honestatem et reverentiam exhibeat unicuique secundum statum suum, ita videlicet ut si quem ad fornacem ex studentibus vel ad tabulam venire contingat, statim cum honestate et sine omni mora cedere sit astrictus et inter studentes se miscere non presumat, sed in parte, ut servitorem decet, sedeat. Quod si quis oppositum fecerit et seniori presentatus fuerit, talem tanquam inhonestum et immorieratum senior virgis corripiat. Idem volumus intelligi, ut tempore prandii aut cene in stuba stare, aut ambulare non presumat, sed unusquisque servitorum pacifice in loco suo sine murmure sedeat, nec strepitum aliquem faciat, nec lectioni ad mensam impediat. Item tempore actus in domo fieri consueti inter studentes iuris canonici sedere in scampnis nullus audeat, sed unusquisque in inferiori circumstancia fornacis honeste, ordinate, pacifice ac quiete sedeat, et si qui excesserit expellatur. Et si non desisterit, virgis per seniorem corripiatur.

^a Na lewym marginesie: [...] itores sint [...] ste; [...] vitoris [...]; xii.

[hasła: służący, student, senior bursy, kara cielesna]